SPJ-USO acaba de presentar un escrito ante a Dirección Xeral de Xustiza e a EGAP REITERANDO SOLICITUDE DE PREPARACIÓN ONLINE DE OPOSICIÓNS, A TRAVÉS DA PLATAFORMA EGAP, PARA OS FUNCIONARI@S DE XUSTIZA DE GALICIA.
1.- A promoción e formación profesional d@s traballadores é un alicerce fundamental para o bo funcionamento das oficinas xudiciais e para unha prestación do servizo público ao cidadán acorde coas premisas dunha Xustiza EFICAZ, RÁPIDA e PROFESIONAL.
2.- Dende que a nosa Comunidade recibiu as competencias en Xustiza, nunca se organizaron cursos de preparación online encamiñados a preparar tanto aos actuais profesionais dos xulgados como ao persoal interino, con interese e ansia de aprobar unha oposición de Xustiza, xa sexa por promoción interna ou por quenda libre; Pola contra, outras Comunidades, tomando boa nota desto, leva organizándoos dende hai máis de 10 anos, caso do territorio Ministerio.
3.- Nos tempos de pandemia que vivimos revelóusenos que sen medidas de conciliación da vida familiar, persoal e laboral estamos perdidos e que, sobre todo, é necesario que a parte institucional nos apoie e funcione.
A posibilidade de preparación online de oposicións, é unha desas medidas ao ofrecermos esa flexibilidade necesaria para compaxinar estudo-formación e vida familiar, sobre todo, no marco da situación de crise sanitaria actual.
Por esto, instámoslle a esa Direccion Xeral, que “funcione” para que a preparación online de oposicións sexa unha realidade tamén para os seus funcionari@s, liberándoos desa discriminación e empezando por poñerse en contacto co Ministerio de Xustiza a efectos de que alcancen os pactos ou convenios necesarios que posibiliten a dita formación.
4.- Por outra banda, a comunidade galega ten unha plataforma online (EGAP) deseñada e funcionando, que pode prestar este servicio, polo que non habería gasto ningún no desenvolvemento dela nin de organización de medios.
5.- Non é a primeira vez SPJ-USO solicita á DXX como Administración competente (as nosas peticións remóntanse ao ano 2017) que ofreza formación para a preparación online dos distintos procesos selectivos, sen obter resposta e quedando á marxe do asunto.
Accede ao escrito e xustificante de presentación:
